مقرونة بكعابر اللحم






المكونات:

700غ لحم عجول مفروم - 500 غرام طماطم طرية مرحية - 1 بصل - طماطم معجونة - فلفل زينة - 50 غ هريسة عربي - ثوم - تابل - فلفل أكحل - 1 فلفل أخضر - 2 فناجين زيت - نعناع شايح - حبق أو نعناع طري - مقرونة سباقتي






طريقة التحضير:

تفوّح اللحم المفروم بالتابل والملح والبصل المفروم والثوم وشوية هريسة عربي ونعناع شايح ثمّ تصنع منه كعابر. تقلّي البصل مقصوص صغير في الزيت وتضيف الطماطم المرحية وتقلي شوية وتضيف الطماطم معجونة وفلفل زينة والتابل والثوم وتزيد تقلّي شوية وتضيف شوية ماء وخليها تطيب شوية. تسقّط الكعابر وتخلّيها حتّى تاقف على زيتها. وقبل ما تطفي النار تقطع الفلفل شرائح وترميه في الصالصة. تسخّن الماء ثمّ تصمط فيه المقرونة وما تنساش تضيف ملعقة زيت للماء. وبعد 10 دقائق تصفّيها وتصبها في طبق وتزينه بالصالصة وورقة حبق أو نعناع طري... تأكل بالشفا والهنا.














اكتب تعليق

Close